شاہین بنگلہ دیش کیخلاف دوسرے ٹیسٹ میں ڈراپ کرنے پر ناخوش

راولپنڈی (آئی پاک ٹی وی ) فاسٹ باؤلر شاہین شاہ آفریدی پاکستان اور بنگلہ دیش کے درمیان دوسرے ٹیسٹ میچ میں ڈراپ کرنے پر ناخوش دکھائی دے رہے ہیں۔
گزشتہ روز پلیئنگ الیون کے اعلان کے بعد جب شاہین کو ٹیم مینجمنٹ نے ڈراپ کرنے کا بتایا تو وہ حیران رہ گئے۔ انہیں سمجھ نہیں آیا کہ اگر کھلانا نہیں تھا تو واپس کیوں بلوایا گیا۔
شاہین آفریدی نے لیگز کے معاہدے چھوڑ کر ٹیسٹ کرکٹ کے لیے دستیابی ظاہر کی تھی لیکن پلیئنگ الیون سے نکال کر انہیں سخت پیغام دیا گیا ہے۔
واضح رہے کہ راولپنڈی میں بنگلہ دیش کے خلاف کھیلے جانے والے پہلے ٹیسٹ کے بعد شاہین آفریدی نومولود بچے سے ملاقات کے لیے کراچی روانہ ہوگئے تھے۔ بعد ازاں ٹیم مینجمنٹ نے انہیں 2 دن بعد ہی راولپنڈی واپس بلوا لیا تھا۔
آج کھیلے جانے والے دوسرے ٹیسٹ کے لیے قومی ٹیم کی پلیئنگ الیون میں شاہین شاہ آفریدی کو 12 رکنی اسکواڈ سے باہر جبکہ فاسٹ باؤلر میر حمزہ اور اسپنر ابرار احمد کو موقع دیا گیا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More