راولپنڈی (آئی پاک ٹی وی ) بنگلادیش کے خلاف سیریز کے دوسرے ٹیسٹ میچ کیلئے قومی ٹیم میں 3 تبدیلیوں کا امکان ہے۔ابرار احمد اور کامران غلام کو موقع دیئے جانے کا امکان ہے ۔
تفصیلات کےمطابق دو میچوں پر مشتمل سیریزکے دوسرے ٹیسٹ میچ میں بنگلادیش کیخلاف پاکستانی پلیئنگ الیون میں ابرار احمد اور کامران غلام کی شرکت متوقع ہے ہے، دونوں کھلاڑیوں نے 20 سے 23 اگست تک اسلام آباد کلب میں بنگلادیش اے کیخلاف چار روزہ میچ میں شاہینز کی نمائندگی کی تھی۔
فٹنس مسائل کے باعث پہلے ٹیسٹ میچ سے ریلیز ہونے والے عامر جمال کو بھی واپس بلا لیا گیا ہےتاہم انکی شرکت فٹنس سے مشروط ہے۔
بنگلادیش نے راولپنڈی میں کھیلے گئے پہلے ٹیسٹ میں پاکستان کیخلاف تاریخی ٹیسٹ فتح سمیٹی تھی اور میزبان کو ہوم گراؤنڈ پر 10 وکٹوں سے شکست دیکر پہلی جیت درج کی تھی۔
دو میچز کی سیریز میں بنگلادیش کو پاکستان کیخلاف 0-2 کی برتری حاصل ہےم سیریز کا دوسرا میچ 30 اگست سے 3 ستمبر تک راولپنڈی کرکٹ اسٹیڈیم میں ہی کھیلا جائے گا۔
پاکستانی سکواڈ ان کھلاڑیوں پر مشتمل ہے ،شان مسعود (کپتان)جبکہ سعود شکیل (نائب کپتان) کپتان ہیں۔ابرار احمد، عبداللہ شفیق، بابر اعظم، کامران غلام، عامر جمال (فٹنس سے مشروط) خرم شہزاد، میر حمزہ، محمد علی، محمد ہریرہ، محمد رضوان (وکٹ کیپر)، نسیم شاہ، صائم ایوب، سلمان علی آغا، سرفراز احمد (وکٹ کیپر) اور شاہین شاہ آفریدی بھی سکواڈ کا حصہ ہیں ۔