اسلام آباد (آئی پاک ٹی وی ) بجلی فی یونٹ ایک ماہ کیلئے سستی ہونے کا امکان ہے،
سینٹرل پاور پرچیزنگ ایجنسی کی جانب ماہانہ فیول پرائس ایڈجسٹمنٹ کی مد میں فی یونٹ 31 پیسے کمی کی درخواست نیشنل الیکٹرک پاور ریگولیٹری اتھارٹی میں دائر کی گئی تھی۔سی پی پی اے کی درخواست پر نیپرا میں آج سماعت ہوگی۔
درخواست میں موقف اختیار کیا گیا کہ جولائی میں ہائیڈل سے بجلی کی پیداوار 37 فیصد کے قریب رہی، مقامی کوئلے سے بجلی کی پیداوار 10 فیصد سے زائد، درآمدی کوئلے سے 7.64 فیصد رہی۔
فرنس آئل سے جولائی میں بجلی کی پیداوار بالکل معمولی 0 اعشاریہ 69 فیصد رہی ہے،ماہ جولائی میں قدرتی گیس سے 7 اعشاریہ 93 فیصد جبکہ درآمدی آر ایل این جی سے 20 فیصد کے قریب بجلی پیدا کی گئی۔
جولائی میں نیوکلیئر سے بجلی کی پیداوار 13 اعشاریہ 36 فیصد جبکہ ونڈ سے 3 فیصد تک رہی، حکومت کی جانب سے بجلی کی فی یونٹ قیمت میں ایک ماہ کے لیے معمولی کمی کا امکان ہے۔