البیک کا پاکستان میں مزید برانچز کھولنے کا اعلان
اسلام آباد ( آئی پاک ٹی وی ) سعودی عرب کی معروف فوڈ چین البیک نے پاکستان میں اپنی مزید برانچز کھولنے کا اعلان کیا ہے ۔
سعودی فاسٹ فوڈ چین البیک نے پاکستان میں اپنے کاروبار کو وسعت دینے کا فیصلہ کیا ہے اور مفاہمت کی یادداشت پر دستخط کئے ہیں ۔
اس بات کی تصدیق پاکستان کے وزیر تجارت جام کمال خان اور البیک کے مالک رامی ابو غزالہ کے درمیان ملاقات کے بعد سامنے آئی ہے۔
وزیر کو البیک کے آپریشنز کا دورہ کرایا گیا، جہاں انہوں نے فاسٹ فوڈ کمپنی میں کام کرنے والے پاکستانی ملازمین سے ملاقات کی۔
امید ہے کہ پاکستان میں پہلی بار Albaik کی شاخیں جلد کھل جائیں گی، جس سے روزگار کے نئے مواقع پیدا ہوں گے اور دونوں ممالک کے درمیان اقتصادی تعلقات مضبوط ہوں گے۔
وزیر نے البیک کے پاکستان میں داخلے کا خیرمقدم کیا اور ملک کی فاسٹ فوڈ انڈسٹری اور کنزیومر مارکیٹ کو بڑھانے کے لیے اس کی صلاحیت کو اجاگر کیا۔