سہ ملکی سیریز سے قبل کیوی فاسٹ بائولر لوگی فرگوسن انجرڈ

لاہور( آئی پاک ٹی وی )متحدہ عرب امارات (یو اے ای) کی آئی ایل ٹی20 لیگ میں شریک نیوزی لینڈ کے اہم فاسٹ بولر لوکی فرگوسن چیمپئینز ٹرافی اور سہ ملکی سیریز کے پہلے میچ سے قبل ہیمسٹرنگ انجری کا شکار ہوگئے ہیں۔
لوکی فرگوسن آئی ایل ٹی20 لیگ میں ڈیزرٹ وائپرز کی نمانئدگی کررہے تھے۔
انجری کے بعد کیوی پیسر کی سہ ملکی سیریز میں شرکت پر سوالیہ نشان لگ گیا ہے جبکہ کرکٹر کی میڈیکل رپورٹ کا انتظار کیا جارہا ہے، جس کے بعد انکی چیمپئینز ٹرافی اسکواڈ میں شمولیت کا فیصلہ ہوگا۔
لوگی فرگوسن کوالیفائر 1 کے دوران ڈیزرٹ وائپرز کی نمائندگی کررہے تھے تاہم وہ اپنے کوٹے کے 4 اوورز کروانے سے محروم رہے اور لنگڑاتے ہوئے میدان چھوڑنا پڑا۔
کیوی ہیڈ کوچ گیری اسٹیڈ کا کہنا ہے کہ فاسٹ بولر کی شمولیت کا فیصلہ میڈیکل رپورٹس کے سامنے آنے کے بعد کیا جائے گا تاہم یہ کیوی ٹیم کیلئے بڑا دھچکا ہوسکتا ہے۔
یاد رہے کہ ٹم ساؤتھی کی ریٹائرمنٹ کے بعد توقع کی جارہی تھی کہ لوکی فرگوسن، میٹ ہنری کیساتھ ملکر پیس اٹیک مضبوط کریں گے تاہم انکی انجری نے نیوزی لینڈ کے خیمے کو پریشان کردیا ہے۔
اگر رپورٹس میں ڈاکٹرز کی جانب سے کرکٹر کو آرام کا مشورہ دیا تھا تو کرکٹ نیوزی لینڈ کو انکے متبادل کے نام کا اعلان کرنا ہوگا، 12 فروری کے بعد کوئی ٹیم سکواڈ میں تبدیلی کیلئے آئی سی سی کی ٹیکنیکل کمیٹی سے اجازت لے گی۔