اسلام آباد (آئی پاک ٹی وی ) وزیراعظم محمد شہباز شریف سے اسکواش کے مایہ ناز کھلاڑی اور عالمی چیمپئین جان شیر خان نے ملاقات کی ۔
وزیراعظم نے جان شیر خان, جو کہ کئی مرتبہ عالمی چیمپئین اور برٹش اوپن چیمپئن رہ چکے ہیں، کو زبردست خراج تحسین پیش کیا۔
وزیراعظم شہبازکا کہنا تھا کہ ملک میں اسکواش کے کھیل کو مقبول بنانے اور اس کھیل کے فروغ کیلئے آپ کی خدمات قابل قدر ہیں ۔آپ نے اپنے کھیل کے ذریعے پاکستان کا نام پوری دنیا میں روشن کیا ۔
وزیراعظم کا کہنا تھا کہ پوری قوم کو آپ کی کامیابیوں پر فخر ہے۔حکومت ملک میں اسکواش سمیت تمام کھیلوں کے فروغ کیلئے خاطر خواہ اقدامات کر رہی ہے۔نوجوانوں کو کھیلوں کے میدان اور اسپورٹس کی بہترین سہولیات کی فراہمی حکومت کی ترجیحات میں شامل ہیں۔