راولپنڈی ٹیسٹ : بنگلہ دیش 656پر آل آئوٹ ،پاکستان پر 117رنزکی برتری

راولپنڈی (آئی پاک ٹی وی ) پاکستان اور بنگلہ دیش کے درمیان جاری دو ٹیسٹ میچوں پر مشتمل سیریز کے پہلے میچ میں بنگلہ دیش ٹیم اپنی پہلی اننگز میں 565رنز بنا کر آئوٹ گئی ۔بنگال ٹائیگرز کو شاہینوں پر 117 رنز کی برتری حاصل ہے ۔
تفصیلات کے مطابق راولپنڈی میں جاری پاکستان اور بنگلہ دیش کے درمیان پہلے ٹیسٹ میچ کے چوتھے روز بنگلہ دیشی بلے بازوں نے شاندار بیٹنگ کا مظاہرہ کیا ۔ مشفق الرحیم 191رنز بنا کرآئوٹ ہوئے ۔جبکہ مہدی حسن مرزا 77بنا کر پویلین لوٹ گئے ۔
اس سے قبل پہلے ٹیسٹ میچ کے چوتھے روز بنگال ٹائیگرز نے 5 کھلاڑیوں کے نقصان پر 316 رنز سے کھیل کا آغاز کیا تو مشفق الرحیم اور لٹن داس کریز پر موجود تھے۔
لٹن داس 56رنز بنا کر نسیم شاہ کا شکار بنے ۔بنگلہ دیش کی جانب سے پہلی اننگز میں شادمان اسلام نے 93، ذاکر حسن 12، کپتان نجم الحسن شانتو 16، مومن الحق 50، شکیب الحسن 15 اور لٹن داس نے 56 رنز بنائے۔
پاکستان کے نسیم شاہ نے 2، خرم شہزاد 2، محمد علی 1 اور صائم ایوب نے 1 وکٹ لی۔
پاکستان نے 6 وکٹوں کے نقصان پر 448 رنز بناکر اپنی پہلی اننگز ڈیکلیئر کر دی تھی۔ گرین شرٹس کی جانب سے عبداللہ شفیق نے 2، صائم ایوب 56، کپتان شان مسعود 6، بابراعظم 0، نائب کپتان سعود شکیل 141، محمد رضوان 171، آغا سلمان 19 اور شاہین شاہ آفریدی نے 29 رنز اسکور کیے۔
بنگلادیش کے شریف الاسلام اور حسن محمود نے 2، 2 وکٹیں حاصل کیں جبکہ مہدی حسن مرزا اور شکیب الحسن نے ایک ایک کھلاڑی کو آؤٹ کیا۔