راولپنڈی ٹیسٹ : بنگلہ دیش کے 6وکٹوں پر 495رنز ،پاکستان پر 47سکور کی برتری

راولپنڈی (آئی پاک ٹی وی ) پاکستان اور بنگلہ دیش کے درمیان جاری دو ٹیسٹ میچوں پر مشتمل سیریز کے پہلے میچ میں بنگلہ دیش نے چائے کے وقفے تک پاکستان کیخلاف 6وکٹوں کے نقصان پر 495رنز بنا لئے ہیں اور پاکستان پر اس کی برتری 47رنز ہو گئی ہے ۔
تفصیلات کے مطابق راولپنڈی میں جاری پاکستان اور بنگلہ دیش کے درمیان پہلے ٹیسٹ میچ کے چوتھے روز چائے کے وقفے تک بنگلہ دیشی بلے بازوں نے شاندار بیٹنگ کا مظاہرہ کیا ۔ مشفق الرحیم 173جبکہ مہدی حسن مرزا نصف سنچری مکمل کر کے ناٹ آئوٹ ہیں ۔
قبل ازیں راولپنڈی میں ہونے والے ٹیسٹ میچ کے چوتھے روز بنگال ٹائیگرز نے 5 کھلاڑیوں کے نقصان پر 316 رنز سے کھیل کا آغاز کیا تو مشفق الرحیم اور لٹن داس کریز پر موجود تھے۔
لٹن داس 56رنز بنا کر نسیم شاہ کا شکار بنے ۔بنگلہ دیش کی جانب سے پہلی اننگز میں شادمان اسلام نے 93، ذاکر حسن 12، کپتان نجم الحسن شانتو 16، مومن الحق 50، شکیب الحسن 15 اور لٹن داس نے 56 رنز بنائے۔
پاکستان کے نسیم شاہ نے 2، خرم شہزاد 2، محمد علی 1 اور صائم ایوب نے 1 وکٹ لی۔
پاکستان نے 6 وکٹوں کے نقصان پر 448 رنز بناکر اپنی پہلی اننگز ڈیکلیئر کر دی تھی۔ گرین شرٹس کی جانب سے عبداللہ شفیق نے 2، صائم ایوب 56، کپتان شان مسعود 6، بابراعظم 0، نائب کپتان سعود شکیل 141، محمد رضوان 171، آغا سلمان 19 اور شاہین شاہ آفریدی نے 29 رنز اسکور کیے۔
بنگلادیش کے شریف الاسلام اور حسن محمود نے 2، 2 وکٹیں حاصل کیں جبکہ مہدی حسن مرزا اور شکیب الحسن نے ایک ایک کھلاڑی کو آؤٹ کیا۔