نیویارک(آئی پاک ٹی وی ) معروف کینیڈین گلوکار جسٹن بیبر اور اُن کی اہلیہ ہیلی بیبر کے ہاں شادی کے 6 سال بعد پہلے بیٹے کی پیدائش ہوئی ہے۔
جسٹن بیبر نے سوشل میڈیا سائٹ انسٹاگرام اس اپنے مداحوں سے اپنی خوشی کو شیئر کیا جہاں اُنہوں نے اپنے نومولود بچے کے ننھے پاؤں کی تصویر پوسٹ کی۔
جسٹن بیبر نے بتایا کہ اُن کے اور اہلیہ ہیلی بیبر کے ہاں بیٹے کی پیدائش ہوئی ہے، اُنہوں نے اپنے ننھے شہزادے کو گھر میں ‘خوش آمدید’ بھی کہا۔
معروف گلوکار نے انکشاف کیا کہ اُنہوں نے اپنے بیٹے کا نام ‘جیک بلوز بیبر’ رکھا ہے۔اپنی پوسٹ میں بیٹے کی تاریخ پیدائش واضح نہیں ہے جبکہ اُنہوں نے آج صبح سویرے ایک گھنٹہ قبل ہی مداحوں کو یہ خوشخبری سُنائی۔
ہیلی اور جسٹن بیبر کے بیٹے کی پیدائش پر اس جوڑے کے مداح اور ساتھی فنکار مبارکباد دیتے نظر آرہے ہیں۔
یاد رہے کہ کینیڈین پاپ اسٹار جسٹن بیبر اور ہیلی بیبر نے سال 2018 میں شادی کی تھی۔