چھوٹے اور درمیانے درجے کے کاروباری ملکی میعشت میں ریڑھ کی ہڈی کی حیثیت رکھتے ہیں ،وزیراعظم

اسلام آباد (آئی پاک ٹی وی ) وزیراعظم شہباز شریف کا کہنا ہے کہ چھوٹے اور درمیانے درجے کے کاروبار ملکی معیشت میں ریڑھ کی ہڈی کی حیثیت رکھتے ہیں ۔

وزیراعظم شہباز شریف کی زیر صدارت سمال اینڈ میڈیم اینٹرپرائزز ڈویلپمنٹ اتھارٹی (سمیڈا) سے متعلق اجلاس ہوا۔وزیراعظم کا سمیڈا بورڈ کے غیر فعال ہونے پر اظہار برہمی ،وزیراعظم کی سمیڈا کے بورڈ کی فوری طور پر تشکیل دینے کی ہدایت بھی کردی۔
وزیراعظم نے ہدایت کی کہ ایسے تمام ادارے جو ملکی معیشت کے لئے انتہائی اہم ہیں ان کے بورڈز کی تشکیل فوری طور پر کی جائے ۔وزیراعظم کی سمیڈا کے چیف ایگزیکٹو آفیسر کی فوری تعیناتی کے لئے ضروری اقدامات کی ہدایت بھی کی ۔وزیراعظم کی سمیڈا کے حوالے سے اسٹیئرنگ کمیٹی تشکیل دینے کی ہدایت کی۔اسٹیئرنگ کمیٹی کی صدارت وزیراعظم خود کریں گے ۔
اسٹیئرنگ کمیٹی میں نجی شعبے سے متعلقہ لوگوں کو بھی شامل کیا جائے ۔وزیراعظم کی صنعتوں میں سب- کنٹریکٹنگ کو فروغ دینے کی بھی ہدایت کی۔
وزیراعظم شہباز شریف کاکہنا تھا کہ پاکستانی صنعتوں کو گلوبل سپلائی چین کا حصہ بنانے کے حوالے سے بھرپور اقدامات اٹھانے کی ضرورت ہے ۔
بریفنگ میں بتایا گیا کہ پہلی مرتبہ سمیڈا کے لئے ڈویلپمنٹ فنڈ کا قیام عمل میں لایا گیا ہے۔6 سال کی لئے 30 بلین روپے کا سمیڈا ڈویلپمنٹ فنڈ مختص کیا گیا ہے جس میں سے سال 2024-25 کے لئے 5 بلین روپے مہیا کیے جا چکے ہیں۔پاکستان میں اس وقت 5.2 ملین چھوٹے اور درمیانے درجے کے کاروبار موجود ہیں جن کا ملک کی جی ڈی پی میں حصہ 40 فیصد ہے ؛ ملک کی 31 فیصد برآمدات ایس ایم ایز پر منحصر ہیں۔
بریفنگ میں مزید بتایا گیا کہ ایس ایم ای سیکٹر کے لئے اب تک 491 بلین روپے بینک کریڈٹ کی مد میں فراہم کئے جا چکے ہیں تاہم ایس ایم ای سیکٹر کے لئے بینک کریڈٹ کو 800 بلین روپے تک لے جانے کی ضرورت ہے۔
اجلاس میں نائب وزیراعظم و وزیر خارجہ اسحاق ڈار ، وفاقی وزیر اقتصادی امور احد خان چیمہ ، وفاقی وزیر صنعت و پیداوار رانا تنویر حسین ، وزیراعظم کے کوآرڈینیٹر رانا احسان افضل اور متعلقہ اعلیٰ سرکاری افسران نے شرکت کی ۔

This website uses cookies to improve your experience. We'll assume you're ok with this, but you can opt-out if you wish. Accept Read More