پاک انگلینڈ ٹیسٹ سیریز میں ٹی وی چینلز کی عدم دلچسپی، شائقین کے میچ دیکھنے سے محروم رہنے کا خدشہ

لاہور(آئی پاک ٹی وی )پاکستان اور انگلینڈ کے درمیان تین میچوں پر مشتمل سیریز میں براڈ کاسٹرز کی جانب سے عدم دلچسپی کے باعث شائقین کرکٹ میچز دیکھنے سے محروم رہنےکا خدشہ پیدا ہوگیا ہے ۔
تفصیلات کےم طابق پاکستان کرکٹ بورڈ کی جانب سے گزشتہ ماہ جاری کیے گئے ٹینڈر دستاویز پر کسی انگلش ٹی وی چینل نے کوئی دلچسپی نہیں دیکھائی جس سے سیریز کے برطانیہ میں بلیک آؤٹ کا خدشہ پیدا ہوگیا ہے۔ پاکستان کرکٹ بورڈ (پی سی بی) نے انگلینڈ کیخلاف آئندہ 3 ٹیسٹ میچز کی سیریز کیلئے براڈکاسٹرز کیساتھ شراکت پر امید کا اظہار کردیا۔
اسکائی اسپورٹس 2022 میں پاکستان بمقابلہ انگلینڈ سیریز سمیت تقریباً 30 سالوں سے انگلینڈ کے بیرون ملک ٹیسٹ میچز نشر کررہا ہے تاہم اس بار اس چینل نے حیران کن طور پر بولی میں حصہ نہیں لیا۔
سکائی اسپورٹس نے پاکستان کرکٹ بورڈ کو واضح اشارہ دیا ہے کہ وہ بولی لگانے کا ارادہ نہیں رکھتا جبکہ ٹی این ٹی اسپورٹس نے مذاکرات میں شامل ہونے سے انکار کردیا ہے۔نئے براڈ کاسٹرز کی تلاش کیلئے کوششیں کی جارہی ہیں تاکہ برطانیہ میں کرکٹ شائقین ٹیم کے میچز سے محروم نہ رہ سکیں۔دونوں ٹیموں کے درمیان سیریز شروع ہونے میں محض 7 ہفتے رہ گئے ہیں۔
یاد رہے کہ پاکستان کرکٹ ٹیم کے مصروف ترین سیزن کا آغاز ہوگیا ہے، قومی ٹیم بنگلادیش کے خلاف ہوم سیریز میں 2 ٹیسٹ، انگلینڈ کے خلاف سیریز اکتوبر میں شروع ہونے والی سیریز میں 3 ٹیسٹ جبکہ آسٹریلیا، زمبابوے اور جنوبی افریقہ کیلئے قومی ٹیم نومبر دسمبر میں دورہ کرے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More