راولپنڈی ٹیسٹ : پاکستان نے بنگلہ دیش کیخلاف اپنی اننگز 447رنز 6وکٹوں پر ڈیکلیئر کردی

راولپنڈی (آئی پاک ٹی وی ) پاکستان نے بنگلہ دیش کیخلاف اپنی اننگز 447رنز 6وکٹوں پر ڈیکلیئر کردی ۔
تفصیلات کےمطابق پاکستان اور بنگلہ دیش کے درمیان دو میچوں پر مشتمل سیریز کے پہلے ٹیسٹ میچ میں پاکستان نے اپنی پہلی اننگز 447رنز پ ڈیکلیئر کردی ۔ پاکستان کے 6کھلاڑی آئوٹ ہوئے تھے ۔
محمد رضوان 171جبکہ شاہن شاہ آفریدی 29رنز بنا کر کریز پر موجود تھے ۔ پاکستان کی جانب سے سعود شکیل نے 141رنز کی ذمہ داری اننگز کھیلی ۔
میچ کے دوسرے دن قومی ٹیم نے 4 وکٹوں کے نقصان پر 158 رنز سے اننگز آگے بڑھائی۔
اس قبل کھیل کے پہلے دن بنگلادیش نے ٹاس جیت کر باؤلنگ کرنے کا فیصلہ کیا اور نئی گیند کا فائدہ اٹھاتے ہوئے پاکستان کے ابتدائی 3 کھلاڑیوں کو جلد ہی آؤٹ کردیا۔تاہم صائم ایوب اور سعود شکیل کی نصف سنچریوں نے پاکستان کی پوزیشن کو بہتر کیا۔
پاکستان ٹیم کی جانب سے کھیل کے پہلے روز 4 کھلاڑی آؤٹ ہوئے، قومی ٹیم کی پہلی وکٹ 3 کے مجموعی سکور پر گری جب عبد اللہ شفیق 2 رنز پر پویلین لوٹے پھر دوسری وکٹ 14 کے مجموعی سکور پر کپتان شان مسعود کی گری جو 6 رنز بنا کر آؤٹ ہوگئے۔
قومی ٹیم کو تیسرا نقصان بابراعظم کی صورت میں اٹھانا پڑا جو 2 گیندوں کا سامنا کرتے ہوئے بغیر کھاتہ کھولے چلتے بنے، ان کے بعد وکٹ پر جمے ہوئے نوجوان بیٹر صائم ایوب 56 رنز بنا کر ہمت ہار گئے
بنگلادیش کی جانب سے اب تک شریف الاسلام اور حسن محمود نے 2،2 وکٹیں حاصل کی ہیں۔