راولپنڈی ٹیسٹ؛ رضوان اور سعود کی سنچریاں ،پاکستان کی پوزیشن مضبوط

راولپنڈی (آئی پاک ٹی وی ) پاکستان اور افغانستان کے درمیان جاری پہلے ٹیسٹ میچ میں رضوان اور سعود شکیل کی سنچریوں کی بدولت پاکستان کی پوزیشن مضبوط ہوگئی ۔
تفصیلات کے مطابق پاکستان کی بنگلادیش کے خلاف سیریز کے پہلے ٹیسٹ میچ کے دوسرے روز کھانے کے وقفے تک 4 وکٹوں کے نقصان پر 295 رنز بنالیے۔
اس سے قبل راولپنڈی میں کھیلے جارہے میچ میں پاکستان نے اپنی پہلی اننگز کا آغاز 4 وکٹیں گنواکر 158 رنز کیا، سعود شکیل 103 اور محمد رضوان 111 رنز بناکر کریز پر موجود ہیں۔
پاکستان اور بنگلہ دیش کے درمیان پہلے ٹیسٹ میچ کے پہلے روز پہلی اننگز میں پاکستان کو ابتدا میں شدید مشکلات پیش آئیں جب محض 16 مجموعی اسکور پر 3 وکٹیں گنوادی تھیں، اوپنر صائم ایوب اور سعود شکیل نے نصف سنچریاں اسکور کیں تھی۔
پہلے ٹیسٹ میچ میں پاکستانی اوپنرز بنگلادیشی بالرز کو کھیلنے میں ناکام رہے، اوپنر عبداللہ شفیق 2، کپتان شان مسعود 6 اور بابراعظم صفر پر پویلین روانہ ہوئے۔ 3 وکٹیں جلد گنوانے کے بعد اوپنر صائم ایوب اور نائب کپتان سعود شکیل نے ذمہ دارانہ بیٹنگ کرتے ہوئے چائے کے وقفے تک ٹیم کا اسکور 81 رنز تک پہنچا دیا تھا۔
بابراعظم ہوم گراؤنڈ میں پہلی مرتبہ صفر پر آؤٹ ہوئے۔ 114 کے مجموعی اسکور پر صائم ایوب 56 رنز بناکر پویلین لوٹ گئے۔
پہلے دن کے اختتام پر پاکستان نے 41 اوورز میں 4 وکٹوں کے نقصان پر 158 رنز بنائےتھے۔