باکو (آئی پاک ٹی وی ) وزیر اعظم شہباز شریف ماحولیات کے متعلق کوپ 29میں شرکت کیلئے 2 روزہ دورے پر آذربائیجان کے دارالحکومت باکو پہنچ گئے ہیں۔
وزیراعظم کے ہمراہ وفاقی وزرااسحاق ڈار،عطاتارڑ اور طارق فاطمی بھی ہیں۔
وزیراعظم شہباز شریف عرب اسلامک اجلاس کے بعد سعودی عرب سے براہ راست باکو پہنچے، وزیراعظم ماحولیات کے متعلق کاپ 29 کانفرنس میں شریک ہوں گے۔
یواین سیکریٹری جنرل انتونیو گوتریس کوپ 29 کانفرنس کے میزبان ہوں گے، وزیراعظم کانفرنس سےخطاب میں ماحولیاتی آلودگی کی مشکلات کا بتائیں گے۔
وزیراعظم شہباز شریف پاکستان کودرپیش موسمیاتی تبدیلی کےخطرات سےآگاہ کریں گے، اور کاپ کانفرنس میں ماحولیاتی آلودگی کم کرنے کی تجاویز دیں گے۔
وزیراعظم پاکستان پویلین کی کلائمنٹ فنانس گول میزکانفرنس کی بھی میزبانی کریں گے اور تاجک صدر کی میزبانی میں گلیشئرز کے تحفظ کی تقریب میں شریک ہوں گے۔
وزیراعظم شہبازشریف کانفرنس میں آئےعالمی رہنماؤں سے بھی ملیں گے جبکہ شہبازشریف عالمی رہنماؤں کوعشائیے میں بھی شریک ہوں گے۔