دوسرا ون ڈے ، آسٹریلوی ٹیم پاکستان کیخلاف 163رنز پر آئوٹ

ایڈیلیڈ (آئی پاک ٹی وی )پاکستان اور آسٹریلیا کے درمیان جاری تین میچوں پر مشتمل سیریز کے دوسرے ایک روزہ میچ میں آسٹریلیا کی پوری ٹیم 163رنز بنا کر پویلین لوٹ گئی ۔
تفصیلات کے مطابق آسٹریلیا کے شہر ایڈیلیڈ میں جاری دوسرے ایک روزہ میچ میں پاکستان نے ٹاس جیت کر پہلے بائولنگ کا فیصلہ کیا ۔
آسٹریلیا نے پاکستان کیخلاف بیٹنگ کرتے ہوئے 35اوورز میں 163رنز بنائے ۔پاکستان کو جیت کیلئے 164رنز درکار ہیں ۔
میچ کے آغاز سے ہی آسٹریلیا کی وکٹیں وقفے وقفے سے گرتی رہیں ۔ جیک فراسر 13رنز بنا کر پویلین لو ٹ گئے ۔ دوسرے آئوٹ ہونیوالے بلے باز میتھیو شارٹ تھے جنہوں نے 19رنز سکور کئے ۔
کیوی ٹیم کو تیسرا نقصان جوس انگلش کی صورت میں اٹھانا پڑا جو 18رنز ہی بنا پائے ۔ لبھوشن بھی زیادہ دیر وکٹ پر نہ ٹھہر سکے اور محض 6رنز بنا کر ہی پویلین لوٹ گئے ۔سٹیو سمتھ کچھ دیر مزاحمت کر تے رہے تاہم وہ بھی 35رنز بنا کر پویلین لوٹ گئے ۔
ارون ہارڈی آئوٹ ہونیوالے چھٹے آسٹریلیوی بلے باز تھے جنہوں نے 14رنز سکور کئے ۔ میکسویل بھی 16رنز بنا کر چلتے بنے ۔ آٹھویں نقصان آسٹریلیا کو مچل سٹارک کی صورت میں اٹھانا پڑا جو صرف 1رنز ہی بنا پائے ۔ کپتان پیٹ کمنز بھی تھوڑی مزاحمت ہی کر سکے اور 13رنز بنا کر پویلین لوٹ گئے ۔ آخری آئوٹ ہونیوالے آسٹریلوی کھلاڑی ایڈم زمپا تھے جنہوں نے 18رنز سکور کئے ۔
پاکستان کی جانب سے حارث رئوف نے 5،شاہین آفریدی نے تین جبکہ نسیم شاہ اور محمد حسنین نے ایک ایک کھلاڑی کو آئوٹ کیا ۔
واضح رہے ک تین میچوں پر مشتمل سیریز کے پہلے میچ میں آسٹریلیا نے پاکستان کو شکست سے دوچار کیا تھا ۔ سیریز کا آخری ایک روزہ میچ 10نومبر کو کھیلا جائے گا ۔

This website uses cookies to improve your experience. We'll assume you're ok with this, but you can opt-out if you wish. Accept Read More