اسلام آباد ( آئی پاک ٹی وی ) پارلیمنٹ سے ججز کی تعداد اور سروسز چیفس کی مدت بڑھانے کے معاملے پر پاکستان تحریک انصاف (پی ٹی آئی )نے جے یو آئی ف سے رابطہ کرکے اہم ملاقات طے کر لی ہے۔
چیئرمین پی ٹی آئی بیرسٹرگوہر علی کی قیادت میں تحریک انصاف کا اعلیٰ سطحی وفد آج مولانا فضل الرحمان سے ان کی رہائشگاہ پر ملاقات کرے گا۔
ملاقات میں پارلیمنٹ منظور ہونے والی ترامیم سے متعلق مشاورت ہو گی ، اپوزیشن جماعتیں آئندہ کی صورتحال پر لائحہ عمل طے کریں گی۔
یاد رہے کہ گزشتہ روز قائم مقام صدر یوسف رضا گیلانی نے سروسز چیفس کی مدت ملازمت اور ججز کی تعداد میں اضافے سے متعلق قومی اسمبلی اور سینیٹ سے پاس ہونے والے بلز پر دستخط کر دیئے تھے۔