ملک میں مہنگائی کی شرح میں اضافہ

اسلام آباد ( آئی پاک ٹی وی ) ہفتے کے دوران مہنگائی کی شرح میں صفر اعشاریہ 10 فیصد اضافہ ہوا ہے۔
ادارہ شماریات کے مطابق ہفتہ وار بنیادوں پر سالانہ مہنگائی 14 اعشاریہ 45 فیصد ریکارڈ کی گئی ،ایک ہفتے میں 12 اشیامہنگی، 12 سستی اور27 کی قیمتیں مستحکم رہیں۔

ادارہ شماریات کی رپورٹ کے مطابق ایک ہفتے کے دوران انڈے فی درجن 10 روپے 47 پیسے مہنگے ہوئے،ایک ہفتے کے دوران لہسن فی کلو 17 روپے 56 پیسے،ایل پی جی کا گھریلو سلنڈر 60 روپے 68 پیسے مہنگا ہوا،جلانے کی لکڑی،تازہ دودھ ،دہی،بیف بھی مہنگی ہونے والی اشیا میں شامل ہیں۔
دوسری جانب ٹماٹر فی کلو 16 روپے 43 پیسے سستے ہوئے،گزشتہ ہفتے چکن فی کلو 45 روپے 86 پیسے سستا ہوا،چینی، پیاز،گڑ،20کلو آٹے کا تھیلا بھی سستی ہونے والی اشیا میں شامل ہیں۔
چاول،بریڈ،سگریٹس،کوکنگ آئل سمیت 27 اشیا کی قیمتیں مستحکم رہیں۔

 

This website uses cookies to improve your experience. We'll assume you're ok with this, but you can opt-out if you wish. Accept Read More