مستونگ میں سکول کے قریب دھماکہ ، 5 بچوں سمیت 7 افراد جاں بحق ، 15 زخمی

مستونگ (آئی پاک ٹی وی ) بلوچستان کے علاقے مستونگ میں گرلز ہائی اسکول سول اسپتال چوک پر بم دھماکے کے نتیجے میں 7 افراد جاں بحق اور 15 افراد زخمی ہو گئے ۔
تفصیلات کےمطابق دھماکے میں پولیس کی گاڑی تباہ ہو گئی جبکہ چوک پر موجود دیگر گاڑیوں اور رکشوں کو بھی نقصال پہنچا ، دھماکے کی آواز قریبی علاقوں میں بھی سنی گئی، اطلاع ملتے ہی پولیس اور ریسکیو کا عملہ جائے وقوعہ پر پہنچ گیا۔
پولیس حکام کا کہنا ہے کہ دھماکے میں پولیس موبائل کو نشانہ بنایا گیا تاہم اسکول کی وین بھی زد میں آ گئی جس کے نتیجے میں سکول کے 5 بچے ، ایک پولیس اہلکار اور ایک شہری جاں بحق ہو گیا۔ زخمیوں کو ڈی ایچ کیو ہسپتال منتقل کر دیا گیا۔
حکومت بلوچستان نے مستونگ میں اسکول کے قریب بم دھماکے کی مذمت کرتے ہوئے محکمہ داخلہ سے واقعہ سے متعلق رپورٹ طلب کر لی ہے۔