لاہور(آئی پاک ٹی وی ) عالمی منڈی میں خام تیل کی قیمتوں میں کمی کا باعث پاکستان میں بھی پٹرولیم مصنوعات کی قیمتوں میں کمی کا امکان ہے ۔
عالمی مارکیٹ میں خام تیل کی قیمتوں میں کمی کے باعث پٹرول کی قیمت میں 3 روپے فی لیٹر جبکہ ڈیزل کی قیمت میں 2 روپے 30 پیسے کمی ہو سکتی ہے۔
گزشتہ پندرہ دنوں کے دوران عالمی مارکیٹ میں پٹرول کی اوسط قیمت 1.5 ڈالر فی بیرل اور ہائی سپیڈ ڈیزل کی اوسط قیمت 2.5 ڈالر فی بیرل کم ہوئی ہے۔
عالمی منڈی میں پیٹرول کی اوسط فی بیرل قیمت 77.5 ڈالر کے مقابلے میں 76 ڈالر پر آگئی ہے، اسی طرح ہائی سپیڈ ڈیزل کے فی بیرل نرخ 86.5 ڈالر سے کم ہو کر 84 ڈالر فی بیرل پر آ گئے ہیں۔
یاد رہے کہ پیٹرو ل و ڈیزل کی قیمتوں کا حتمی اعلان وزیراعظم شہباز شریف کی منظوری کے بعد 31 اکتوبر کو کیا جائے گا۔