مسقط (آئی پاک ٹی وی ) ایمرجنگ ٹی 20ایشیا کپ فائنل کے فائنل میں سری لنکا اور افغانستان آج ٹکرائیں گے ۔
اومان میں جاری ایمرجنگ ٹی 20ایشیا کپ کے فائنل میں سری لنکا اور افغانستان آج مد مقابل آئیں گے ۔پاکستانی وقت کے مطابق یہ میچ آج شام ساڑھے چھ بجے شروع ہو گا ۔
افغانستان نے بھارت کو شکست دے کر پہلی بار فائنل میں جگہ بنائی ہے جبکہ سری لنکا نے پاکستان شاہینز کو شکست دے کر فائنل کا ٹکٹ کٹوایا تھا ۔
اس سے قبل 5میگا ایونٹ کھیلے جا چکے ہیں تاہم یہ ٹورنامنٹ پر 50اوورز پر مشتمل تھا ۔ 2013میں ہونیوالے پہلے ایونٹ میں بھارت نے پاکستان کوشکست دے کر ٹرافی نام کی تھی ۔
2017میں یہ ٹورنامنٹ سری لنکا نے جیتا تھا فائنل میں اس کا مقابلہ پاکستان سے ہوا تھا ۔ 2018میں سری لنکا مسلسل دوسری بار چیمئپن بنا اس نے فائنل میں انڈیا کو شکست سے دو چار کیا تھا ۔
2019میں پاکستان نے بنگلہ دیش کو شکست دے کر ٹرافی اپنے نام کی تھی ۔ 2023میں ہونیوالے میگا ایونٹ کا فائنل بھی پاکستان کے نام رہا تھا جہاں پاکستان نے روایتی حریف بھارت کو 128رنز کے بڑے مارجن سے شکست سے دوچار کیا تھا ۔
واضح رہے کہ افغانستان پہلی بار فائنل میں جگہ بنانے میں کامیاب ہوا ہے ۔