لاہور(آئی پاک ٹی وی ) پاکستان کرکٹ بورڈ (پی سی بی ) نے کھلاڑیوں کے سینٹرل کنٹریکٹس کا اعلان کردیا۔
تفصیلات کے مطابق کرکٹ بورڈ نے 25 کرکٹرز کو 25-2024 بین الاقوامی کرکٹ سیزن کے لیے کنٹریکٹ دیا ہے، پہلی بار پانچ ایمرجنگ کرکٹرز خرم شہزاد، محمد عباس آفریدی، محمد علی، محمد عرفان خان اور عثمان خان کو بھی سینٹرل کنٹریکٹ میں شامل کیا گیا ہے۔
نئے سینٹرل کنٹریکٹ کے مطابق بابراعظم اور محمد رضوان اے کیٹیگری میں برقرار ہیں ۔شاہین آفریدی کی تنزلی ہوئی ہے ۔شاہین شاہ آفریدی اور نسیم شاہ کو بی کیٹیگری میں شامل کیا گیا ہے شان مسعود کی بی کیٹیگری میں شمولیت کپتانی سے اور نعمان علی کی سی کیٹیگری میں شمولیت فٹنس سے مشروط ہے۔
کرکٹ بورڈ کے مطابق سابق کپتان سرفراز احمد سینٹرل کنٹریکٹ میں جگہ بنانے میں ناکام رہے جبکہ فخرزمان کو بھی سینٹرل کنٹریکٹ سے ڈراپ کردیا گیا ہے۔
سلمان علی آغا ،عبداللہ شفیق، شاداب خان ، ابرار احمد ،ساجد خاناور سعود شکیل سی کیٹیگری میں شامل ہیں جبکہ میر حمزہ، خرم شہزاد، عامر جمال، محمد وسیم جونیئر، محمد ہریرہ، محمد علی، عثمان خان، عرفان خان نیازی، حسیب اللہ خان، عباس آفریدی اور کامران غلام کو ڈی کیٹیگری میں شامل کیا گیا ہے۔