راولپنڈی (آئی پاک ٹی وی ) قومی ٹیم کے آف سپنر ساجد خان نے راولپنڈی ٹیسٹ میں 10 وکٹیں لیکر تاریخ رقم کردی۔
پاکستان اور انگلینڈ کے درمیان راولپنڈی کرکٹ سٹیڈیم میں کھیلے گئے تیسرے ٹیسٹ میں شاہینوں نے انگلش ٹیم کو9 وکٹوں سے ہرا کر سیریز 1-2 سے اپنے نام کی، یہ گرین شرٹس کی تقریباً ساڑھے 3 سال بعد ہوم گراؤنڈ پر سیریز جیتنے میں کامیاب ہوئی۔
مجموعی طور پر آف اسپنر راولپنڈی کرکٹ اسٹیڈیم میں 10 وکٹیں لینے والے تیسرے باؤلر بننے کا اعزاز حاصل کیا، انہوں نے پہلی اننگز میں 6 جبکہ دوسری اننگز میں 4 وکٹیں اپنے نام کیں۔ ساجد نے مجموعی طور پر 197 رنز کے عوض 10 شکار کیے۔
ساجد خان نے انگلینڈ کیخلاف دو ٹیسٹ میچز میں 21.11 کی اوسط سے 19 وکٹیں حاصل کیں۔
اس سے قبل دوسرے ٹیسٹ میچ میں بھی قومی ٹیم کے اسپنرز ساجد خان اور نعمان علی نے 20 وکٹیں حاصل کرکے 1972 کے بعد ٹیسٹ میچ میں 20 وکٹیں لینے والی پہلی جوڑی بننے کا اعزاز حاصل کیا تھا۔