اسرائیل کو منہ توڑ اور حیران کن جواب دیں گے ، ایران

تہران(آئی پاک ٹی وی ) ایران کی جانب سے اسرائیل کو خبردار کیا گیا ہے اسے فضائی حملوں کا منہ توڑ اور حیران کن جواب ملے گا ۔
تفصیلات کے مطابق اسرائیل کی جانب سے ایران پر فضائی حملوں کے بعد ایرانی حکام کا کہنا ہے کہ اسرائیل کو منہ توڑ اور حیران کن جواب دیا جائے گا ۔
واضح رہے کہ اسرائیل نے رات گئے ایران پر میزائل حملے کردیے جسے ایرانی میڈیا کے مطابق ملکی دفاعی نظام نے ناکام بنادیا۔اسرائیلی جنگی طیاروں نے ایرانی کی فضائی حدود میں کئی گھنٹے تک کارروائی کی اور متعدد فوجی اہداف کو نشانہ بنایا۔ ایران اسرائیل کی جارحیت کا جواب دینے کے لیے تیار ہے اور یقینا اسرائیل کو کسی بھی اقدام کا منہ توڑ جواب ملے گا۔
ایران فوجی ذرائع نے صیہونی حکومت کو خبردار کیا ہے کہ اسے منہ توڑ اور حیران کن جواب ملے گا۔ایران رد عمل میں نہ تو تاخیر اور نہ ہی جلد بازی کرے گا، ایران اس حملے کو یاد رکھے گا اور احمق کو سزا دینا کبھی نہیں بھولے گا جو اس طرح دی جائے گی کہ ہر بار دشمن حیران رہ جائے گا۔