لاہور کے مختلف علاقوں میں موسلادھار بارش، متعدد فیڈر ٹرپ کر گئے

لاہور(آئی پاک ٹی وی) پنجاب کے دارالحکومت لاہور کے مختلف علاقوں میں موسلادھار بارش سے جل تھل ایک ہوگیا، شہر کی سڑکیں ندی نالوں کا منظر پیش کرنے لگیں۔متعدد فیڈر ٹرپ کر گئے ۔

لاہور شہر کے مختلف علاقوں مال روڈ ،ایبٹ روڈ، لکشمی چوک، ڈیوس روڈ پر خوب بادل برسے، قرطبہ چوک، شمع چوک، فیصل چوک، کوئنز روڈ، سمن آباد، اچھرہ اور اطراف میں بھی موسلادھار بارش ہوئی۔
فیروز پورروڈ، چونگی امرسدھو، کاہنہ، کینال روڈ، ٹاؤن شپ، جیل روڈ، گجومتہ اور اطراف میں بھی بارش سے موسم خوشگوار ہو گیا، ایم اے او کالج، ساندہ، اسلامپورہ، بند روڈ ، گلشن راوی میں بارش سے جل تھل ایک ہوگیا۔
باغبانپورہ، تاجپورہ، مغلپورہ، دھرم پورہ، عامر روڈ، پانی والا تالاب اور کینٹ ایریا میں بھی بارش سے گرمی کا زور ٹوٹ گیا۔
شہر بھر میں موسلادھار بارش کے باعث بجلی کا ترسیلی نظام بری طرح متاثر ہوا، کئی علاقوں میں بارش سے متعدد فیڈرز ٹرپ ہونے کے باعث شہریوں کو مشکلات کا سامنا کرنا پڑ رہا ہے۔
دوسری جانب محکمہ موسمیات کا کہنا ہے کہ 20 اگست سے پنجاب میں بارش کے نئے نظام کی آمد ہوگی، مغربی ہواؤں کے باعث بننے والا نظام خوب بارشیں برسائے گا، بارشوں کے باعث جنوبی پنجاب کی رود کوہیوں میں فلیش فلڈنگ کا بھی خدشہ ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More