اسلام آباد (آئی پاک ٹی وی ) نئے چیف جسٹس یحییٰ آفریدی کی تقریبِ حلف برداری کل ہوگی ۔
تفصیلات کے مطابق تقریب حلف برداری ایوان صدر میں ہو گی ، صدرِ مملکت آصف زرداری کل 11 بجے نئے چیف جسٹس سے حلف لیں گے۔
حلف برداری کی تقریب میں اعلیٰ عدلیہ کے سینئر ججز، پارلیمنٹیرینز اور سرکاری حکام شرکت کریں گے۔ ایوانِ صدر سیکرٹریٹ نے مہمانوں کو دعوت نامے جاری کر دیئے ہیں۔
نئے چیف جسٹس یحییٰ آفریدی کی تقریب حلف برداری کے حوالے سے آج فل ڈریس ریہرسل ہو گی۔
واضح رہے کہ 22 اکتوبر 2024ء کو 12 رکنی خصوصی پارلیمانی کمیٹی نے یحییٰ آفریدی کو چیف جسٹس کے عہدے پر تقرری کے لیے نامزد کیا تھا۔