بجلی کی قیمت میں ایک ماہ کیلئے 70 پیسے فی یونٹ کمی کا امکان

اسلام آباد ( آئی پاک ٹی وی ) بجلی کی فی یونٹ قیمت میں ایک ماہ کیلئے 70 پیسے کمی کا امکان ہے۔
تفصیلات کے مطابق سینٹرل پاور پرچیزنگ ایجنسی (سی پی پی اے) نے ماہ ستمبر کے ماہانہ فیول ایڈجسٹمنٹ کی مد میں بجلی کی قیمتوں میں کمی کی درخواست جمع کروا دی۔
نیپر ا اتھارٹی 30 اکتوبر کو سی پی پی اے کی درخواست پر سماعت کرے گی، درخواست میں کہا گیا کہ ستمبر میں سب سے مہنگی بجلی فرنس آئل سے 30 روپے 29 پیسے فی یونٹ میں پیدا کی گئی۔
درخواست میں موقف اختیار کیا گیا کہ ماہ ستمبر میں ایل این جی سے 24 روپے 95 پیسے میں فی یو نٹ بجلی پیدا کی گئی۔ ماہ ستمبر میں پانی سے بجلی کی پیداوار 30.75 فیصد رہی۔
درخواست کے مطابق مقامی کوئلے سے ایک ماہ میں بجلی کی پیداوار 10.10 فیصد رہی، ستمبر کے ماہ میں درآمدی کوئلے سے 9.20 فیصد بجلی پیدا ہوئی۔