راولنپڈی (آئی پاک ٹی وی ) انگلینڈ کے خلاف تیسرے ٹیسٹ سے قبل قومی ٹیم کے اہم فاسٹ بولر انجری کا شکار ہوگئے۔
تفصیلات کے مطابق راولپنڈی میں کھیلے جانیوالے انگلینڈ کیخلاف تیسرے ٹیسٹ میچ سے قبل قومی فاسٹ بائولر میر حمزہ فٹنس مسائل سے دوچار ہوگئے ہیں اور وہ میچ کیلئے ٹیم کو دستیاب نہیں ہوں گے۔
فاسٹ بولر میر حمزہ کی کمر کے نچلے حصے میں سوزش کی نشاندہی ہوئی ہے اور وہ اس تکلیف کے سبب ٹریننگ سیشن میں بھی شامل نہیں ہوئے۔
پاکستان کرکٹ بورڈ میڈیکل پینل نے میر حمزہ کے میڈیکل ٹیسٹ کروائے ہیں جن کی حتمی رپورٹس کا انتظار کیا جارہا ہے۔رپورٹس بعد ہی معلوم ہوسکے گا کہ انہیں کتنے عرصے کا ریسٹ دیا جائے گا۔