کراچی (آئی پاک ٹی وی )پاک بحریہ کے کموڈور شہزاد اقبال کو ریئر ایڈمرل کے رینک پر ترقی دے دی گئی۔
پاک بحریہ کے ترجمان کا کہنا ہے کہ ریئر ایڈمرل شہزاد اقبال نے 1995 میں پاکستان نیوی کی آپریشنز برانچ میں کمیشن حاصل کیا۔
شہزاد اقبال پاکستان نیوی وارکالج لاہوراورنیشنل ڈیفنس یونیورسٹی اسلام آباد سے گریجویٹ ہیں۔
ریئر ایڈمرل شہزاد اقبال نے کراچی یونیورسٹی سے نیول سائنسز میں بی ایس سی اورچین سے گنری آفیسر کمانڈ کورس بھی کیا ہے ۔
انہوں نے پاک بحریہ میں اپنے شاندار کیریئر کے دوران مختلف کمانڈ اینڈ اسٹاف تقرریوں پر خدمات سرانجام دی ہیں۔
ریئر ایڈمرل شہزاد اقبال کو ان کی شاندار خدمات کے اعتراف میں فلیگ آفیسرستارہ امتیاز(ملٹری)سے نوازا گیا ہے ۔