پنجاب میں بجلی 14 روپے سستی، 200 یونٹ والے صارفین ریلیف سے محروم

لاہور(آئی پاک ٹی وی) پنجاب حکومت کی جانب سے بجلی صارفین کو 14 روپے فی یونٹ ریلیف 200 یونٹ تک استعمال کرنے والے صارفین کو نہیں ملے گا۔
حکومت کی جانب سے ماہانہ 200 یونٹ استعمال کرنے والوں کیلئے بجلی مہنگی نہیں کی گئی تھی، 200 یونٹ تک استعمال کرنے والوں کا پہلے ہی پروٹیکٹڈ صارفین میں شمار ہوتا ہے۔
ذرائع کے مطابق پنحاب حکومت کے مطابق 201 یونٹ سے500 یونٹ والے صارفین کو بجلی کے بلوں میں14 روپے ریلیف دیا جائے گا، کل یونٹ اور تمام ٹیکسز شامل کرنے کے بعد فی یونٹ سے14 روپے مائنس کر دیئے جائیں گے، ٹیکسز ڈال کر فی یونٹ44 روپے کا بنتا ہے تو اس میں سے14 روپے کا ریلیف ملے گا، یوں ریلیف کے بعد صارف کو30 روپے فی یونٹ ادا کرنا ہوں گے۔بجلی کے ٹیرف میں ریلیف کا اطلاق اگست اور ستمبر 2024 کے بلوں میں ہوگا۔
ترجمان صوبائی حکومت کے مطابق وزیراعلیٰ پنجاب کی ہدایت پر کام شروع کر دیا گیا ہے، مریم نواز پنجاب کے عوام کو ریلیف دینے اور سہولتیں فراہم کرنے کے لئے دن رات محنت کر رہی ہیں۔
واضح رہے کہ دو روز قبل قائد مسلم لیگ ن نواز شریف نے وزیراعلیٰ پنجاب مریم نواز کے ہمراہ پریس کانفرنس کرتے ہوئے صوبے میں 500 یونٹ تک بجلی استعمال کرنے والوں کو 2 ماہ کیلئے 14 روپے فی یونٹ تک ریلیف دینے کا اعلان کیا تھا۔

This website uses cookies to improve your experience. We'll assume you're ok with this, but you can opt-out if you wish. Accept Read More