عمران خان سے ملاقات کے لیے پی ٹی آئی رہنما اڈیالہ جیل پہنچ گئے

راولپنڈی(آئی پاک ٹی وی ) سابق وزیراعظم اور پاکستان تحریک انصاف (پی ٹی آئی ) کے بانی عمران خان سے ملاقات کیلئے بیرسٹر گوہر سمیت دیگر پی ٹی آئی رہنما اڈیالہ جیل پہنچ گئے۔

پانچ پی ٹی آئی رہنما سیکورٹی کلیئرنس کے بعد گیٹ نمبر 5 سے اڈیالہ جیل کے اندر روانہ ہوگئے۔
پی ٹی آئی کے رہنماؤں کو عمران خان سے ملاقات کی اجازت دی گئی ہے۔ تحریک انصاف کے وفد کو آج صبح 8 بجے بانی سے ملاقات کا وقت دیا گیا تھا۔ تاہم صبح چئیرمین پی ٹی آئی بیرسٹر گوہر سمیت کوئی بھی رہنما اڈیالہ جیل نہیں پہنچا۔
پی ٹی آئی رہنماؤں نے اس کی وجہ یہ بیان کی کہ جیل انتظامیہ انہیں ملاقات کی اجازت نہیں دی جارہی۔ جس کے بعد مولانا فضل الرحمان کے کہنے پر حکومت نے یہ اجازت دے دی۔
دوسری جانب پاکستان تحریک انصاف (پی ٹی آئی ) کے سیکرٹری اطلاعات شیخ وقاص اکرم نے بیان میں کہا کہ اڈیالہ حکام سلمان اکرم راجہ کو سابق چیئرمین پی ٹی آئی سے ملنے کی اجازت نہیں دے رہے۔ صرف بیرسٹر گوہر، علی ظفر اور اسد قیصر ملاقات کے لئے کلیئر ہوئے۔
سیکرٹری اطلاعات پی ٹی آئی شیخ وقاص اکرم نے بتایا کہ بیرسٹر گوہر نے فیصلہ کیا ہے کہ وہ اس وقت تک نہیں جائیں گے جب تک ہماری طرف سے دیے گئے تمام نام کلیئر نہیں ہو جاتے، اس وقت وہ جیل کے باہر کھڑے ہیں اور صاحبزادہ حامد رضا بھی ان کے ہمراہ ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More