آئینی ترمیم؛ پی ٹی آئی وفد آج پھر مولانا فضل الرحمٰن کی رہائش گاہ پہنچ گیا

اسلام آباد(آئی پاک ٹی وی ) آئینی ترامیم پر جاری مشاورت کے حوالے سے پاکستان تحریک انصاف (پی ٹی آئی )وفد آج پھر مولانا فضل الرحمٰن کی رہائش گاہ پہنچ گیا۔
جمعیت علمائے اسلام کے سربراہ مولانا فضل الرحمٰن کی رہائش گاہ پر آنے والے پی ٹی آئی وفد میں چیئرمین تحریک انصاف بیرسٹر گوہر، سلیمان اکرم راجا ، اسد قیصر اور علی ظفر شامل شامل ہیں۔
سنی اتحاد کونسل کے چیئرمین حامد رضا بھی پی ٹی آئی وفد کے ساتھ مولانا فضل الرحمٰن کے گھر پہنچے ہیں۔
یاد رہے کہ گزشتہ روز بھی آئینی ترامیم کے معاملے پر پی ٹی آئی وفد نے فضل الرحمٰن سے ان کی رہائش گاہ پر ملاقات کی تھی، جس یں آئینی ترامیم کے معاملے میں تبادلہ خیال کیا گیا تھا۔وفد میں بیرسٹر گوہر، عمر ایوب، اسد قیصر، سینٹر علامہ راجا ناصر عباس، صاحبزادہ حامد رضا شامل تھے۔