آئینی ترمیم کا معاملہ؛ قومی اسمبلی اور سینیٹ کے اجلاس آج ہوں گے

اسلام آباد(آئی پاک ٹی وی ) آئینی ترمیم کے معاملے پر قومی اسمبلی کا اجلاس آج شام 6 بجے پارلیمنٹ ہاؤس میں منعقد ہوگا۔دوسری جانب سینیٹ کا اجلاس بھی آج ہی ہو گا ۔
تفصیلات کے مطابق ترجمان قومی اسمبلی کا کہنا ہے کہ سیکیورٹی کی صورتحال کے پیش نظر قومی اسمبلی کے آئندہ کے اجلاسوں کے لیے سیکیورٹی کے سخت انتظامات کیے گئے ہیں، سیکیورٹی وجوہات کی بنا پر قومی اسمبلی اجلاسوں میں مہمانوں کے داخلے پر پابندی عائد کی گئی ہے۔
میڈیا کے ان نمائندوں کو پارلیمنٹ ہاؤس میں داخلے کی اجازت ہوگی جن کے پاس پریس گیلری کارڈ موجود ہوں گے، ون ڈے پریس گیلری کارڈ جاری کرنے پر سختی کی گی ہے اور ون ڈے پریس گیلری کارڈ متعلقہ بیٹ رپورٹر کے ذریعے حاصل کیے جا سکیں گے۔
پارلیمنٹ کے 1 نمبر گیٹ پر کوریج کرنے والے کیمرہ مینوں کی انٹری مرتب کردہ لسٹ کے ذریعے ہوگی، سیکیورٹی وجوہات کو ملحوظِ خاطر رکھتے ہوئے تمام صحافی حضرات سے گزارش ہے کہ اپنا پریس گیلری کارڈ ہمراہ رکھیں۔
سینیٹ کا اجلاس بھی آج ہوگا جس میں حکومت کی جانب سے 26ویں آئینی ترمیم منظوری کے لیے پیش کی جائے گی۔