جمائمہ نے سائبر ہراسمنٹ کے باعث پاکستان سے آنیوالی تمام ای میلز کو بلاک کر دیا

لندن (آئی پاک ٹی وی )سابق وزیراعظم اور پاکستان تحریک انصاف کے بانی عمران خان کی سابق اہلیہ جمائمہ گولڈ سمتھ نے سائبر ہراسمنٹ کے باعث پاکستان سے آنے والی تمام ای میلز کو بلاک کر دیا۔
سماجی رابطے کی ویب سائٹ ایکس پر اپنے پیغام میں جمائمہ گولڈ سمتھ نے کہا کہ سائبر ہراسمنٹ کی وجہ سے مجھے پاکستان سے آنے والی تمام ای میلز کو بلاک کرنا پڑا، جنہیں بلاشبہ پی ٹی آئی کے مخالفین کی طرف سے اکسایا گیا۔
جمائمہ نے کہا کہ پاکستان میں ان دوستوں کیلئے جو جائز طریقے سے مجھ سے رابطے کی کوشش کررہے ہیںان کیلئے پیغام ہے کہ پاکستان سے آنے والی تمام ای میلز کو بلاک کرنا پڑا ہے ۔
جمائمہ کا مزید کہنا تھا کہ ظاہر ہے اب پاکستان میں ایکس (ٹوئٹر) پر پابندی ہے، اسے صرف وی پی این استعمال کرنے والے ہی دیکھ سکیں گے ، انہوں نے لکھا کہ پاکستانی سیاست ایک ایسا تحفہ ہے جو ملک چھوڑنے کے 20 سال بعد بھی پیچھا کر رہا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More