اسلام آباد(آئی پاک ٹی وی ) شنگھائی تعاون تنظیم کے اجلاس کے سلسلے میں وفاق دارالحکومت اسلام آباد میں سکیورٹی کے انتظامات سخت کئے گئے ہیں جبکہریڈ زون جانے والے تمام راستے سیل کر دیے گئے۔
اسلام آباد ٹریفک پولیس کے مطابق میں پارک روڈ کو بنی گالہ کے مقام پر اور راول ڈیم چوک کو کلب روڈ سے بند کیا گیا ہے۔آئی جے پی روڈ سے آئی ایٹ جانے والے، کشمیر ہائی وے پر کنونشن سینٹر جانے والے اور بارہ کہو سے مری روڈ جانے والے راستے بند کیے گئے ہیں۔
فیصل ایونیو کو فیض آباد انٹر چینج کے مقام پر بند کیا گیا ہے ۔
وفاق دارالحکومت اسلام آباد میں 14 سے 16 اکتوبر تک ہر قسم کی ہیوی ٹریفک کا داخلہ بند رکھا گیا ہے جبکہ مقامی سطح پر عام تعطیل بھی دی گئی ہے۔ جڑواں شہروں میں مختلف اوقات میں ٹریفک کی روانی متاثر رہے گی۔
یاد رہے کہ شنگھائی تعاون تنظیم کا 23 واں سربراہی اجلاس آج سے شروع ہوگا جس میں چین، روس، ترکمانستان اور تاجکستان کے وزیر اعظم جبکہ بھارتی وزیر خارجہ سمیت کانفرنس میں سات ممالک کے وزرائے اعظم شریک ہوں گے۔