لاہور(آئی پاک ٹی وی ) پاکستان کے خلاف ایک روزہ میچوں کی سیریز کے لیے آسٹریلوی کرکٹ ٹیم کے سکواڈ کا اعلان کر دیا گیا۔
پاکستان کے خلاف ایک روزہ سیریز میں پیٹ کمنز ٹیم کی قیادت کریں گے۔ مچل مارش اور ٹریوس ہیڈ پیٹرنٹی کو اسکواڈ میں شامل نہیں کیا گیا۔
پاکستان اور آسٹریلیا کے مابین ایک روزہ میچز 4، 8 اور 10 نومبر کو کھیلے جائیں گے۔ جبکہ 3 ٹی20 میچز کے لیے ٹیم کا اعلان بعد میں کیا جائے گا۔
اسکواڈ میں جیک فریزر مک گرک، شین ایبٹ، کوپر کنولی، ایرون ہارڈی، مارنوس لابوشین، جوش ہیزل ووڈ، جوش انگلس، گلین میکسویل، سٹیو سمتھ، مچل سٹارک، میتھیو شارٹ، مارکوس سٹونس اور ایڈم زمپا شامل ہیں۔
آسٹریلیا کے چیف سلیکٹر جارج بیلی کے مطابق چیمپیئنز ٹرافی سے قبل یہ آخری ایک روزہ سیریز ہونے کی وجہ سے سکواڈ میں توازن برقرار رکھنے کی کوشش کی گئی ہے۔ تاکہ فروری میں پاکستان میں ہونے والی چیمپیئنز ٹرافی کے لیے اپنے اسکواڈ کے تجربے کو بڑھانے کا موقع ملے۔