دوسرا ٹیسٹ؛ بابراعظم، سرفراز احمد اسکواڈ سے ریلیز ،ٹیم کا اعلان کسی وقت بھی متوقع

لاہور(آئی پاک ٹی وی ) انگلینڈ کے خلاف دوسرے ٹیسٹ کیلئے سابق کپتان بابراعظم اور وکٹ کیپر بیٹر سرفراز احمد کو ریلیز کردیا گیا۔
بابراعظم کی جگہ کامران غلام کو موقع دینے پر اتفاق کیا گیا ہے جبکہ سرفراز احمد کے متبادل کے طور پر حسیب اللہ خان سکینڈ وکٹ کیپر کے طور پر ٹیم کا حصہ بنیں گے۔انگلینڈ کیخلاف پلئینگ الیون کا اعلان کسی بھی وقت کیا جاسکتا ہے۔
نئی تشکیل شدہ سلیکشن کمیٹی نے 15 اکتوبر سے شروع ہونے والی سیریز کیلئے فہرست کو حتمی شکل دے دی ہے، اس فہرست میں 2 تجربہ کار سابق کپتانوں سرفراز احمد اور بابراعظم کا نام شامل نہیں۔
سلیکشن کمیٹی کی جانب سے دونوں تجربہ کار کھلاڑیوں کی جگہ نوجوانوں کو آگے لانے کا فیصلہ کیا گیا ہے۔
اس سے قبل خبریں سامنے آئیں تھی کہ کاامران غلام، حسیب اللہ، مہران ممتاز اور مبصر خان کے علاوہ اوپنر امام الحق کو بھی ٹیم کا حصہ بنائے جانے کا امکان ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More