طوفان ملٹن سے فلوریڈا میں 50 ارب ڈالر نقصان کاخدشہ ہے، بائیڈن

واشنگٹن (آئی پاک ٹی وی ) امریکہ کے صدر جو بائیڈن کا کہنا ہے کہ ریاست فلوریڈا میں صدی کے سب سے بدترین طوفان ملٹن سے 50 ارب ڈالر تک نقصان کا خدشہ ہے۔
امریکی صدر جو بائیڈن نے کہا کہ وہ اتوار کو فلوریڈا کا دورہ کریں گے کیونکہ صدی کے سب سے خطرناک طوفان کے امریکی صدارتی انتخابات پر بھی گہرے اثرات مرتب ہوتے ہوئے نظر آتے ہیں۔
اس سے قبل امریکی صدر صورتحال کے پیش نظر اپنا جرمنی کے دورہ منسوخ کرچکے ہیں جہاں وہ یوکرین کے حامیوں اور صدر زیلینسکی سے ملاقات کرنے والے تھے تاہم اب وہ سیلاب متاثرین کی بحالی کے اقدامات کی نگرانی کریں گے۔
یاد رہے کہ فلوریڈا میں طوفان ملٹن نے تباہی مچادی ہے ، طوفان کی وجہ سے بڑی تعداد میں گھروں، عمارتوں اور تفریح گاہوں کو بڑے پیمانے پر نقصان پہنچا ہے جبکہ 22 لاکھ صارفین تاحال بجلی سے محروم ہیں۔
طوفان ملٹن سے فلوریڈا میں اموات کی تعداد 16 تک پہنچ گئی ہے اور سینکڑوں افراد زخمی بھی ہوئے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More