دوسرے ٹیسٹ میچ کیلئے قومی سکواڈکا اعلان آج ہوگا

لاہور(آئی پاک ٹی وی ) انگلینڈ کے خلاف سیریز کے دوسرے ٹیسٹ میچ کیلئے قومی سکواں کا اعلان آج ہوگا۔
تفصیلات کے مطابق نیشنل کرکٹ اکیڈمی (این سی اے) لاہور میں پی سی بی کی جانب سے نو تشکیل شدہ سلیکشن کمیٹی کا پہلا اجلاس ہوا، جس میں علیم ڈار، عاقب جاوید، اظہر علی، اور احسن چیمہ نے پاکستانی ٹیم کی پرفارمنس کا جائزہ لیا جبکہ سلیکٹر اسد شفیق نے زوم پر اپنی تجاویز سے آگاہ کیا۔
سلیکشن کمیٹی ارکان اب اگلے مرحلے میں ہفتے کو ملتان جائیں گے جہاں وہ ہیڈ کیوریٹر، ہیڈ کوچ اور کپتان سے ملاقات کریں گے۔اس کے بعد انگلینڈ کیخلاف دوسرے ٹیم کیلئے قومی ٹیم کا اعلان کیا جائے گا۔
دوسرے ٹیسٹ میچ کیلئے کامران غلام، نعمان علی، زاہد محمود کو کھیلنے کا موقع دیا جاسکتا ہے۔
واضح رہے کہ پاکستان اور انگلینڈ کے درمیان دوسرا ملتان کرکٹ اسٹیڈیم میں ہی 15 اکتوبر کو کھیلا جائے گا۔
یاد رہے کہ پہلے ٹیسٹ میں ہوم گراؤنڈ پر انگلینڈ نے پاکستان کو بدترین ایک اننگز اور 47 رنز سے شکست دی تھی۔