لاہور(آئی پاک ٹی وی )پاکستان کےلیجنڈر اداکار عابد کشمیری انتقال کر گئے ۔
تفصیلات کے مطابق لیجنڈری اداکار عابد کشمیری 74 سال کی عمر میں مختصر بیماری کے بعد انتقال کرگئے۔
ان کی بیٹی نے بتایا کہ عابد کشمیری کچھ عرصہ سے بیمار تھے۔ مرحوم نے اپنے پسماندگان میں دو بیٹے اور دو بیٹیاں چھوڑی ہیں۔
اپنی بے ساختہ مزاحیہ اداکاری کے باعث شائقین کے دلوں پر راج کرنیوالے سینئر لیجنڈر اداکار عابد کشمیری 4 مئی 1950 کو لاہور میں پیدا ہوئے۔ انہوں نے سیکڑوں ٹی وی ڈراموں، اسٹیج اور فلموں میں کام کیا ہے۔
1988 میں انھیں فلم ’’بازار حسن‘‘ پر بہترین مزاحیہ اداکار کےلیے نگار ایوارڈ دیا گیا۔