مسلم لیگ ن اور پیپلز پارٹی کے درمیان آئینی ترامیم پر اتفاق

اسلام آباد(آئی پاک ٹی وی ) پاکستان مسلم لیگ (ن) کے صدر محمد نواز شریف اور چیئرمین پاکستان پیپلز پارٹی بلاول بھٹو زرداری کی درمیان ملاقات میں آئینی ترامیم پر اتفاق کر لیا گیا۔
مسلم لیگ ن کے صدر نواز شریف سے ملاقات کیلئے چیئرمین پی پی بلاول بھٹو زرداری پنجاب ہاؤس پہنچے، سابق وزیراعظم نے بلاول بھٹو کا استقبال کیا۔
دونوں قائدین نے ملاقات میں عدالتی اصلاحات سے متعلق آئینی ترامیم کے معاملے پر مشاورت کی گئی،ملک کی سیاسی صورتحال پر تبادلہ خیال کیا۔
صدر مسلم لیگ ن نواز شریف کے ساتھ ملاقات میں مریم اورنگزیب، رانا ثناء اللہ، پرویز رشید اور عرفان صدیقی، احسن اقبال بھی موجود تھے۔
پیپلز پارٹی کے وفد میں یوسف رضا گیلانی، راجہ پرویز اشرف، خورشید شاہ، مرتضی وہاب، مرتضیٰ جاوید عباسی، نوید قمر اور پلوشہ خان شریک تھے۔
نواز شریف آج رات سعودی وفد کے اعزاز میں عشائیہ میں شرکت کریں گے۔