پاکستان سے لبنان کے لیے پہلی امدادی کھیپ روانہ
کراچی(آئی پاک ٹی وی ) پاکستان سے لبنان کے لیے پہلی امدادی کھیپ روانہ کردی گئی۔
ترجمان این ڈی ایم اے کے مطابق 3 ٹن ادویات اور دیگر ضروری اشیا لبنان روانہ کی گئیں۔
امدادی پیکج کی تیاری میں این ڈی ایم اے، پاک فوج اور الخدمت فاؤنڈیشن شامل تھے۔
کراچی کے جناح ائیرپورٹ پر امداد کی لبنان روانگی کے وقت کراچی کے جناح انٹرنیشنل ائیرپورٹ پر این ڈی ایم اے، وزارت خارجہ ، مسلح افواج اور الخدمت فاؤنڈیشن کے نمائندے موجود تھے۔ وزیراعظم شہباز شریف نے انسانی بنیادوں پر لبنان میں جنگ کے متاثرین کے لیے امداد فراہم کرنے کا حکم دیا تھا۔
اس سے قبل وزیر اعظم کی ہدایت پر این ڈی ایم اے نے 9 اکتوبر 2024 کو لبنان سے 79 پھنسے ہوئے پاکستانیوں کے لیے ایک خصوصی پرواز کا اہتمام کیا جو تمام پاکستانیوں کو لے کر وطن واپس پہنچا۔ امدادی سامان اسی چارٹرڈ طیارے کے ذریعے روانہ کیا گیا۔