واشنگٹن(آئی پاک ٹی وی ) امریکہ نے کراچی ائیرپورٹ کے نزدیک دہشت گرد حملے کی مذمت کی ہے۔
امریکی محکمہ خارجہ کے ترجمان میتھیو ملرنے کہا کہ کراچی ائیرپورٹ کے قریب حملے میں جانوں کے ضیاع پر دکھ ہے۔ حملے کے متاثرین سے تعزیت کا اظہار کرتے ہیں اور دہشت گرد حملے کی مذمت کرتے ہیں۔
یاد رہے کہ 6 اکتوبر کی رات کراچی میں انٹرنیشنل ایئر پورٹ سگنل کے قریب دھماکا ہوا تھا جس کے نتیجے میں 2 چینی شہریوں سمیت 3 افراد ہلاک اور متعدد افراد زخمی ہوگئے تھے۔