یہ لڑکیاں میرے لیے نامحرم ہیں جنہیں میں شیلڈ نہیں دے سکتا، ڈاکٹر ذاکر نائیک سٹیج چھوڑ گئے

اسلام آباد(آئی پاک ٹی وی ) معروف عالم دین ڈاکٹر ذاکر نائیک اسلام آباد میں ہونے والی ایک تقریب میں اسٹیج چھوڑ کر چلے گئے۔
ڈاکٹر ذاکر نائیک کو یتیم بچوں کے ادارے پاکستان سویٹ ہوم میں بطور مہمان خصوصی مدعو کیا جہاں انہوں نے گفتگو کی اور سوالات کے جواب دیے۔
پروگرام کے اختتام پر چیئرمین زمرد خان نے ڈاکٹر ذاکر نائیک کے ہاتھوں شیلڈ دلوانے کےلیے لڑکیوں کو اسٹیج پر بلایا تو ڈاکٹر ذاکر نائیک اسٹیج سے اتر گئے۔
ڈاکٹر ذاکر نائیک کا کہنا تھا کہ یہ لڑکیاں میرے لیے نامحرم ہیں جنہیں میں شیلڈ نہیں دے سکتا۔ اس کی ویڈیو سوشل میڈیا پر وائرل ہوگئی۔ ڈاکٹر ذاکر نائیک نے اسٹیج سے نیچے اتر کر لڑکوں کو شیلڈ دی۔
زمرد خان سے گفتگو کرتے ہوئے ڈاکٹر ذاکر نائیک نے انہیں کہا کہ آپ ان بچیوں کو چھو نہیں سکتے، کیونکہ یہ نامحرم ہیں۔
یاد رہے کہ ڈاکٹر ذاکر نائیک 30 ستمبر کو دورے پر اسلام آباد پہنچے ہیں جہاں دو روز قیام کے بعد وہ کراچی روانہ ہوگئے ہیں جہاں وہ مختلف پروگرامز میں شرکت کریں گے اور اجتماعات سے خطاب بھی کریں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More