اسلام آباد (آئی پاک ٹی وی )پاکستان تحریک انصا ف (پی ٹی آئی ) کے کل ہونیوالے احتجاج کے پیش نظر وزارت داخلہ نے اسلام آباد ریڈ زون کی سکیورٹی رینجرز کے حوالے کرنے کا فیصلہ کیا ہے۔
تفصیلات کے مطابق سیکرٹری داخلہ کی زیر صدارت وزارت داخلہ میں اہم اجلاس ہوا جس میں پی ٹی آئی کے احتجاج کا معاملہ پر بھی بات کی گئی۔
اجلاس میں آئی جی اسلام آباد، ڈی آئی جی، ایس ایس پی، سیکٹر کمانڈر رینجر، چیف کمشنر اسلام آباد، ضلعی انتظامیہ کے افسران، تمام زون کے پولیس ایس پیز نے شرکت کی۔
اجلاس میں ریڈ زون کی سکیورٹی رینجرز کے حوالے کرنے کا فیصلہ کیا گیا، اجلاس میں شنگھائی تعاون تنظیم اجلاس میں شرکت کے لئے آنے والے مہمانوں کی سکیورٹی کا بھی جائزہ لیا گیا۔
پی ٹی آئی کی جانب سے احتجاج اور راستوں کی بندش کے حوالے سے بریفنگ دی گئی، اجلاس میں فیصلہ کیا گیا کہ مظاہرین کو کسی صورت ڈی چوک تک نہیں آنے دیا جائے گا۔
سیکرٹری داخلہ کی صدارت میں ہونے والے اجلاس میں فیصلہ کیا گیا کہ مظاہرین کو روکنے کے لئے دیگر صوبوں سمیت کشمیر سے بھی پولیس نفری طلب کی جائے گی۔
Next Post