ایران کا لبنان میں فوجیں بھیجنے کا عندیہ

تہران (آئی پاک ٹی وی ) ایران نے حزب اللہ کے سربراہ حسن نصر اللہ کی شہادت کے بعد خطے میں بڑھتی کشیدگی پر اپنی فوجیں لبنان بھیجنے کا عندیہ دیدیا۔
ایران کے نائب وزیر خارجہ برائے بین الاقوامی امور محمد حسن اختری نے عندیہ دیا کہ لبنان اور گولان کی پہاڑیوں پر ایرانی فوجوں کی تعیناتی کیلئے اجازت دینے کی تیاری کررہے ہیں۔
ایرانی نائب وزیر خارجہ برائے بین الاقوامی امور نے کہا کہ ایران آنے والے دنوں میں فوج بھیجنے کے حوالے سے عوامی رجسٹریشن شروع کرے گا۔
محمد حسن اختری نے مزید کہا کہ ایران 1981 کی طرح لبنان میں قابض صہیونیوں سے لڑنے کیلئے اپنے فوجی دستے لبنان بھیج سکتا ہے۔
ایران کا یہ اقدام حزب اللہ سربراہ حسن نصر اللہ کی شہادت کے فوری بعد سامنے آیا، اسرائیل کے اس حملے میں مزاحمتی تنظیم کے سینئر رہنما علی کرکی شہید ہوئے تھے۔

This website uses cookies to improve your experience. We'll assume you're ok with this, but you can opt-out if you wish. Accept Read More