اسرائیلی وزیراعظم نیتن یاہو کا لبنان جنگ بندی کا مطالبہ ماننے سے انکار

نیویارک(آئی پاک ٹی وی ) اسرائیلی وزیر اعظم نیتن یاہو نے عالمی برادری کی جانب سے غزہ اور لبنان میں جنگ بندی کے مطالبے کو رد کرتے ہوئے کہا کہ جنگ بندی نہیں ہو گی۔
اقوام متحدہ کی جنرل اسمبلی کے اجلاس کے موقع پر جمع ہونے والے متعدد سیکڑوں ممالک کے سربراہوں کی جانب سے اسرائیل سے جنگ بندی کا مطالبہ کیا گیا تھا۔
گزشتہ روز اسرائیل کو اپنی بربریت جاری رکھنے کے لیے مزید 8.7 ارب ڈالر کی امداد دینے والے امریکا نے بھی نیتن یاہو سے خطے میں کشیدگی کم کرنے کہا تھا۔
اسرائیلی وزیراعظم نیتن یاہو کا کہنا ہے کہ وہ پوری قوت اور طاقت کے ساتھ حزب اور حماس کے خاتمے کے لیے لبنان اور غزہ پر حملے جاری رکھیں گے، اور یرغمالیوں کی رہائی تک جنگ جاری رہے گی۔
یاد رہے کہ لبنان میں گزشتہ 4 روز سے اسرائیلی حملوں میں شہید ہونے والوں کی تعداد 6 سو سے زائد ہو گئی ہے جبکہ ہزاروں افراد بے گھر ہو گئے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More