پاک انگلینڈٹیسٹ سیریز ؛ قومی ٹیم کا اعلان رواں ہفتے ہونے کا امکان

لاہور(آئی پاک ٹی وی )پاکستان اور انگلینڈ کے درمیان تین میچوں پر مشتمل ٹیسٹ سیریز کیلئے قومی سکواڈ کا اعلان رواں ہفتے متوقع ہے ۔

شان مسعود کو ہی انگلینڈ کے خلاف سیریز کیلئے کپتان برقرار رکھا جائے گا، پاکستان کرکٹ ٹیم 2 اکتوبر کو ملتان میں رپورٹ کرے گی۔
مہمان انگلینڈ کی ٹیم بھی اسی روز ملتان میں لینڈ کرے گی، انگلینڈ کی ٹیم کا 3 اکتوبر کو ریسٹ ڈے رکھا گیا ہے جبکہ پاکستانی ٹیم کا 3 اکتوبر کو پہلے ٹریننگ سیشن میں حصہ لے گی۔
بنگلادیش کے خلاف ٹیسٹ سیریز کھیلنے والی ٹیم میں 3 سے 4 تبدیلیاں متوقع ہیں۔
لاہور میں کنکنشن کیمپ کے بعد ریڈ بال ٹیم کے ہیڈکوچ جیسن گلیسپی فیصل آباد میں پہنچ گئے ہیں، سلیکشن کمیٹی کے ارکان محمدیوسف اور اسد شفیق بھی پہلے سے وہاں چیمپئنز کپ میں قومی کھلاڑیوں کی پرفارمنس کا جائزہ لے رہے ہیں، سلیکشن کمیٹی کےنان ووٹنگ ممبرز بھی وہاں موجود ہیں۔
سلیکشن کمیٹی ارکان، کپتان اور ہیڈکوچ کے ساتھ مشاورت کے بعد ممکنہ کھلاڑیوں کی لسٹ کو فائنل کریں گے۔
چیمپئینز کپ کا فائنل اتوار کو شیڈول ہے، اس سے پہلے پی سی بی سربراہ کی منظوری کے ساتھ قومی اسکواڈ کا اعلان کردیا جائے گا۔
واضح رہے کہ پاکستان اور انگلینڈ کے درمیان پہلا ٹیسٹ 7 اکتوبر سے ملتان میں ہوگا ، دوسرا ٹیسٹ 15 اکتوبر کو ملتان میں ہی ہوگا جبکہ تیسر اور آخری ٹیسٹ 24 اکتوبر کو راولپنڈی میں شیڈول ہے۔