بابر اعظم نے ویرات کوہلی کا اہم ریکارڈ توڑ دیا

فیصل آباد (آئی پاک ٹی وی ) پاکستان کرکٹ ٹیم کے وائٹ بال کپتان بابراعظم نے بھارتی بلے باز ویرات کوہلی کا اہم ریکارڈ توڑ دیا ۔
تفصیلات کے مطابق پاکستان وائٹ بال ٹیم کے کپتان بابر اعظم نے ڈومیسٹک کرکٹ میں بھارتی ٹیم کے مایہ ناز بیٹر ویرات کوہلی کا ریکارڈ توڑ دیا۔
چیمپئنز ون ڈے کپ کے ساتویں میچ میں اسٹالینز نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 271 رنز اسکور کیے تھے۔ 272 رنز کے تعاقب میں ڈولفنز کی ٹیم 97 رنز پر ڈھیر ہوگئی تھی۔بابر اعظم نے ڈومیسٹک کیریئر کی 180 اننگز میں 30 ویں سنچری اسکور کرکے ویرات کوہلی کا ریکارڈ توڑا ہے۔
بھارت کے مایہ ناز بیٹر ویرات کوہلی نے ڈومیسٹ کیریئر کی 199 اننگز میں 30 سنچریاں اسکور کی تھیں، دوسرے نمبر پر جنوبی افریقہ کے سابق بیٹر ہاشم آملہ ہیں جنہوں نے یہ اعزاز حاصل کرنے کے لیے 225 اننگز کا سہارا لیا۔نیوزی لینڈ کے مارٹن گپٹل نے ڈومیسٹک کی 259 اننگز میں 30 سنچریاں اسکور کی تھیں۔
بھارت کے سابق اوپنر شیکھر دھون نے یہ اعزاز حاصل کرنے کیلئے 262 اننگز کھیلیں، جبکہ سچن ٹنڈولکر اور روہت شرما نے بالترتیب 267 اور 275 اننگز میں 30 سنچریاں اسکور کیں۔

 

This website uses cookies to improve your experience. We'll assume you're ok with this, but you can opt-out if you wish. Accept Read More