لاہور(آئی پاک ٹی وی ) لاہور میں ہونے والے پاکستان تحریک انصاف کے جلسے کے باعث اسلام آباد لاہور موٹروے جزوی طور پر بند کر دی گئی۔سالٹ رینج پر گاڑیوں کی لمبی قطاریں لگ گئیں ۔
تفصیلات کے مطابق اسلام آباد سے لاہور جانے والی موٹروے پر ٹریفک کا رخ موڑ دیا گیا ، اسلام آباد ٹول پلازہ سے گاڑیوں کا رخ تبدیل کیا گیا تاہم لاہور سے اسلام آباد آنے والی ٹریفک کے لیے موٹروے کھلی ہے۔
دوسری جانب موٹر وے للہ انٹر چینج بند ہونے سے سالٹ رینج پر گاڑیوں کی لمبی قطاریں لگ گئی ہیں۔
واضح رہے کہ آج لاہور میں پاکستان تحریک انصاف کا جلسہ ہو رہا ہے ، گزشتہ روزحکومت پنجاب نے رنگ روڈ کاہنہ میں جلسے پی ٹی آئی کو جلسے کی اجازت دی تھی،جلسے کا وقت دوپہر 3 بجے سے شام 6 بجے تک ہو گا۔