عمران خان کے لاپتا سابق چیف سکیورٹی آفیسر گھر پہنچ گئے، آزادانہ تحقیقات کا حکم

اسلام آباد (آئی پاک ٹی وی ) سابق وزیراعظم اور پاکستان تحریک انصاف کے بانی عمران خان کے لاپتہ سابق چیف سکیورٹی افسر عمر سلطان واپس گھر پہنچ گئے۔
چیف جسٹس اسلام آباد ہائیکورٹ عامر فاروق نے عمر سلطان کی بازیابی کی درخواست پر سماعت کی ،درخواست گزار کے وکیل نے کہا کہ عمر سلطان واپس آ گئے ہیں، انہیں عدالت میں بھی پیش کرتے لیکن ان کی طبیعت ٹھیک نہیں ہے۔
چیف جسٹس عامر فاروق نے وکیل سے سوال کیا کہ شہری واپس آ گیا ہے، اب کیا چاہتے ہیں آپ؟ جس پر درخواست گزار کے وکیل نے کہا کہ ہم آزادانہ تحقیقات چاہتے ہیں ، ایف آئی آر درج ہو چکی ہے۔
عدالت نے آزادانہ تحقیقات کی ہدایت کرتے ہوئے عمر سلطان کی بازیابی کا کیس نمٹا دیا۔

This website uses cookies to improve your experience. We'll assume you're ok with this, but you can opt-out if you wish. Accept Read More